«Azərbaycan Türkiyəyə etiraz edib heç nəyə nail olmayacaq»

Vəfa Quluzadə: “Ermənistanın Türkiyənin təsiri altına düşməsi üçün gərək Rusiya xeyli zəifləsin”

“Bizim bir çarəmiz qalıb ki, Türkiyə üçün mahnı oxuyaq: «Biz səni sevəcəyik, sən sevməsən də»
Türkiyə ilə Ermənistan arasında münasibətlər get-gedə istiləşir. Abdullah Gülün Yerevana səfərindən sonra hər iki dövlət əməkdaşlıq istiqamətində yeni addımlar atmaqda maraqlı görsənir. Bir neçə il əvvəl Türkiyənin Ermənistanla əlaqələri qurmaq üçün əsas tələblərindən biri Qarabağ münaqişəsinin həlli idisə, indi artıq bu söhbətlər kölgədə qalıb. Azərbaycan tərəfi isə bununla bağlı hələ heç bir fikir bildirməyib.
Məsələyə münasibət bildirən politoloq Vəfa Quluzadənin fikrincə, Türkiyənin Ermənistanın qarşısında şərt qoyması ilə bağlı deyilənlər səhv təxəyyülün məhsuludur:

Vüqar Bayramov: «Qeyri-neft sektorunun inkişafi ilə kəsirləri örtmək əvəzinə, bunu qiymətləri qaldırmaq və əhalini daha çox xərcə salmaqla edirlər»
Ötən ilin əvvəlində ölkədə enerji daşıyıcılarının qiymətinin artımını hökumət enerji sahəsində islahatlar və dünya bazarında neftin qiymətinin artması ilə izah etdi. Lakin dünya bazarında neftin qiymətində kəskin azalma müşahidə olunan indiki dövrdə də Dövlət Neft Şirkətinin rəhbəri gələn ildən benzinin qiymətinin artırılması istiqamətində müzakirələrin aparıldığını dedi. Bütün dünyada qiymətlərin aşağı endiyi zaman belə bir addımın atılması izaholunan deyil.
Məsələyə münasibət bildirən iqtisadçı ekspert Vüqar Bayramovun sözlərinə görə, ötən ildə bəri enerji sahəsində heç bir islahat həyata keçirməyən hökumətin belə bir addım atması doğru deyil: “Dünya bazarında neftin qiymətinin düşməsinə baxmayaraq, Dövlət Neft Şirkətinin prezidenti ölkədə 2009-cı ilin əvvəlində neftin qiymətinin yüksələ bilməsi ilə bağlı açıqlama verdi.

Fuad Mustafayev: «Təklif etdiymiz formatda birliyin baş tutmasına ciddi əngəllər yaranıb»

«Hakimiyyət konstitusiya dəyişikliyi barədə çıxışlarla həm yerli, həm də dünya ictimai rəyini yoxlayır»

Seçkini boykot edən real müxalifət qüvvələrinin seçkidən sonra daha sıx formada birləşməsi nəzərdə tutulmuşdu. Amma seçkidən artıq iki aya yaxın müddətin keçməsinə baxmayaraq demokratik qüvvələrin sıx inteqrasiyası istiqamətində konkret nəticələr nəzərə çarpmır. AXCP sədrinin müavini Fuad Mustafayevlə də müsahibəmizə, məhz bu məqamdan başlamaq qərarına gəldik:
- Təəssüf ki, müxalifətin əməkdaşlığının daha yüksək səviyyəyə keçməsilə bağlı mərhələ xeyli uzanıb. Bu prosesin uzanmasının səbəbi də odur ki, Müsavat Partiyasından olan müttəfiqlərimiz bu məsələyə xeyli tərəddüdlə yanaşırlar. Yadınızdadırsa, “Azadlıq” blokunun təşəbbüsüylə müxalifətin əməkdaşlığı yarandı. Bu əməkdaşlıq bir çoxlarının dediyi kimi, funksional xarakter daşıyırdı və seçki dövrünü əhatə edirdi. Bizim təkliflərimiz məhz bu əməkdaşlığın daha ciddi əsaslarla yaranmasını və daha geniş hədəfləri əhatə etməsini nəzərdə tuturdu. Biz bu niyyətimizi gizlətməyərək, danışıqlar zamanı ifadə edirdik. Seçki dövrünü isə biz əməkdaşlığımızda bir mərəhələ kimi nəzərdə tutmuşduq. Daha sonrakı mərhələdə onun dərinləşməsi gündəmə gəlməli idi.

Barak Obama dünən gələcək komandasını elan edib

Amerikanın yeni prezidenti Barak Obama senator Hillari Klintonu dövlət katibi təyin edəcəyini bildirib. Dekabrın 1-də gələcək milli təhlükəsizlik komandasını elan edən Obama həmçinin, indiki müdafiə naziri Robert Qeytsdən vəzifəsində qalmağı xahiş edəcəyini deyib.
NATO-nun keçmiş baş komandanı general Ceyms Cons isə milli təhlükəsizlik məsələləri üzrə müşavir olacaq. Obama Arizonanın qubernatoru Canet Napolitanonu Milli Təhlükəsizlik katibi, dövlət katibinin keçmiş köməkçisi Syuzan Raysı Birləşmiş Ştatların BMT-dəki səfiri, Ədliyyə Nazirliyinin keçmiş əməkdaşı Erik Holderi isə Baş prokuror vəzifəsinə təyin edəcəyini bildirib.